Má bjóða þér far með stefnulausri skútu?

Þegar aðrir mjálma yfir því að ég eigi að ,,vanda orðaval" mitt betur og vilja vísa mér á góðan ,,PR mann" til að slípa mig til, þá er hægt að treysta Eyjamönnum - og öðrum sem eru í tengslum við náttúruöflin og raunveruleikann - til að segja mér að ,,tala hreint út" og fara ekki í kringum hlutina eins og ,,köttur í kringum heitan graut". Sérstaklega var hressandi að fá símtal frá ónefndum skipstóra í gær sem skammaði mig fyrir að ,,ganga ekki nógu langt" í lýsingum á því ,,ófremdarástandi" sem ríkir í stjórnmálum nútímans, þar sem flest er í ólestri. 

Að þessu sögðu hvet ég alla áhugamenn um íslensk stjórnmál til að lesa kjarnyrta grein Páls Magnússonar í Mogganum í dag. Þar lýsir hann því sem Gandhi flokkaði sem ,,samfélagslega höfuðsynd", þ.e. prinsipplausum stjórnmálum (e. Politics without principles).

Enginn heilvita maður myndi stíga um borð í skip með áhöfn sem vissi ekki hvert hún væri að fara. Er í því ljósi ásættanlegt fyrir heila þjóð að sitja sem farþegar um borð í skútu þar sem siglingafræðin eru vanvirt, skipstjórnendur ósamstíga, stefnan reikul og enginn veit hvert stefnir?  

Athugasemdir

[Júlíus Valsson, 21.9.2023 kl. 09:19]

Hver er stefna forystu Sjálfstæðisflokksins, fyrir hverju eru menn að berjast?

[Sigurður Kristján Hjaltested, 21.9.2023 kl. 10:08]

Mér hafa fundist allir þínir pistlar mjög málefnalegir, kjarngóðir og hressandi.

En ég get líka tekið undir með skipstjóranum að það mætti alveg láta þessi

ófremdar ástönd í pólitíkinni hafa það óþvegið.

[Dominus Sanctus., 21.9.2023 kl. 11:54]

Þessi flokkur er t.d. með skýra STEEFNU í því að bakka út úr Schengen:

https://contact.blog.is/blog/vonin/

------------------------------------------------------------------------

Er xd með skýra stefnu í því máli inní framtíðina????????????????????

[Helga Kristjánsdóttir, 21.9.2023 kl. 19:01]

  Tek undir með þér Sigurður enda vekur hann fádæma athygli. Verð að gefa mér tíma og lesa hvað Páll M. segir,þetta er nú Morgunblað,en ég hafði ekki lokið við krossgátuna.

[Ruth (IP-tala skráð) 21.9.2023 kl. 22:16]

Fíló, Islenka Kristskirkjan svo eitthvað sé bent á. Hjálpræðisherin. Sjálf hlustaði ég stundum á Boðinarkirkjuna. Það er ennþá hægt að fara í kyrrðar stundir hjá þjóðkirkjunni og fá hið heilaga sacramennt í Grafó er það á þriðjudögum kl 11.

[Geir Ágústsson, 22.9.2023 kl. 19:16]

Frábært hjá Páli eftirlaunaþega en ekki man ég eftir Páli þingmanni að berja í borðið eins og í þau fáu skipti sem þér er hleypt inn á Alþingi eða þegar Sigríður Andersen var í ræðustól þingsins (en tókst að bola út af dómaraklíkunni).