Ekki í mínu nafni, ekki á mínum vegum.

Mér er tjáð að einhvers konar undirskriftalisti gangi um bæinn undir nafni samtaka sem heita ,,Mín leið - mitt val". Enginn frá þessum samtökum hefur haft samband við mig vegna þessa lista eða beðið um leyfi til að nota ummæli frá mér eða óskað staðfestingar frá mér á ummælunum. Undirritaður er alls ekki á móti því að fólk nýti lýðræðislegan rétt sinn til að vekja máls á hugðarefnum sínum, en vil bara árétta að fólk þarf að gera slíkt í eigin nafni og á eigin ábyrgð.