Nýr dagur í BNA, nótt á Íslandi.

Eitt fyrsta embættisverk nýs Bandaríkjaforseta var að segja upp aðild BNA að WHO með vísan til þess að WHO sé spillt stofnun sem hafi algjörlega brugðist í "kófinu" og vinni nú á því að skerða fullveldi þjóðríkjanna. WHO er að langmestu leyti fjármögnuð af hagsmunaaðilum, sem flestir eru tengdir lyfjaframleiðendum og hafa hagsmuni af því að WHO vinni að því að dæla sem mest af lyfjum í alla heimsbyggðina, jafnvel þótt lyfin hafi ekki farið í gegnum öryggisprófanir og sýnt sé að þau muni hafa í för með sér margvíslegan skaða, fjártjón, aukaverkanir og jafnvel andlát.   

Í nóvember 2023 ritaði ég bréf til allra alþingismanna þar sem varað var við því hvert WHO stefndi. Alþingi Íslendinga sýndi málinu engan áhuga. Það er ekki kjörnum fulltrúum Íslendinga að þakka að WHO hafi hlekkst á í ráðagerðum sínum. 

Á sama tíma og þetta gerist kemur í ljós að fráfarandi forseti, Biden, hefur kosið að náða einn sinn helsta ráðgjafa, Anthony Fauci, án þess að svara þeirri spurningu hvernig svo óskeikull maður eins og Fauci, sem var vísindin holdi klædd, gæti þurft á náðun að halda. Voru sprautulyfin annars ekki alveg pottþétt örugg og árangursrík (e. safe and effective)?

Ekki eru allir sammála um það og telja að alls ekki hefði átt að sprauta ungmenni með umræddum lyfjum, en slíkar ábendingar þykja kannski enn óþægilegar? Þegar Fauci og WHO lögðu saman varð mögulega úr einhver dimmasti kafli síðari tíma sögu. 

 

Harma ákvörðun Trumps

Athugasemdir

[Trausti (IP-tala skráð) 21.1.2025 kl. 12:23]

 Meðan það er jákvætt að Trump hafi sagt skilið við þessi WHO glæpasamtök þá var óþægilegt að lesa um stuðningsyfirlýsingu Kína um sömu glæpasamtök. Nú segja mínar upplýsingasíður þær sömu og sögðu mér frá Covid (platinu) að hið illa ætlar sér að fara á fullt í Covid II um leið og Úkraníustríðið er á loka metrunum. Íslendingar eru búnir að planta Ölmu í stólinn og hún er tilbúin að traðka á réttindum Íslendinga um leið og færi gefst og líklega setja okkur óbólusetta á eyðieyju sem fyrst eða hreinlega binda okkur niður meðan þeir sprauta okkur. Meðan ég var smeykur hversu langt þeir ætluðu sér í Covid I þá gæti ég ekki verið meira sama núna því þegar þú hefur horft á djöfulinn þá leitar þú í ljósið og finnur trúna sem aldrei fyrr. I say bring it on.

[Tómas Ibsen Halldórsson, 21.1.2025 kl. 19:47]

Vel mælt félagar, Arnar Þór og Trausti. Við þurfum að fá fólk eins og Trump í stjórn hér á landi áður en allt fer á versta veg.

[Helga Kristjánsdóttir, 21.1.2025 kl. 23:35]

Okkur nægir vinasamand við forsetann,það verndar okkur meira en eigin ríkisstjórn sem kappkostar að innlima landið okkar í ESB.