Svör óskast

Hvernig stendur á því að á sama tíma og tvö af stærstu herveldum heims (BNA og Rússland) eiga í friðarviðræðum um Úkraínu o.fl. þá tvíeflast aðrar þjóðir í að fjármagna stríðsreksturinn í Úkraínu? Nýr forsætisráðherra Íslands ferðast til Úkraínu og lofaði þar 2,1 milljarði kr. frá Íslandi (utan fjárlaga). 

Aðrar þjóðir bæta sömuleiðis í stríðskistuna: Bretland hefur bætt við 5,6 milljörðum punda, Noregur bætti við 3,5 milljörðum Evra; Spánn bætti við 1 milljarði Evra. Upptalningin er mun lengri. 

Ekkert eftirlit er með því hvert þessir fjármunir fara í reynd. Stór hluti mun væntanlega týnast eins og oft áður, en væntanlega fara þeir þó að mestu í að fjármagna meiri dráp, meiri eyðileggingu og hörmungar. Peningarnir sem fara í þetta svarthol verða a.m.k. ekki nýttir til að bæta þjónustu við sjúklinga heima fyrir, ekki öryrkja eða eldri borgara, ekki í að bæta holótta vegi o.s.frv. 

Getur einhver útskýrt hvers vegna friðarviðræður mega ekki fara fram í friði og hvers vegna ESB (með dyggum stuðningi Íslands) ætlar að halda stríðinu gangandi og hversu lengi það er raunverulega hægt? Þar til enginn er eftir til að berjast í Úkraínu? Eða bara þangað til peningasjóðirnir tæmast endanlega? Íslendingar og aðrír vígamenn lyklaborðsins ættu að minnast þess að áframhaldandi stríðsrekstur þýðir í raun að mæður og feður verða að kveðja unga syni sína þegar þeir verða kallaðir í herinn og sendir í fremstu víglínu. Úr fjarlægð er auðvelt að hvetja menn áfram í slíkri baráttu, en frammi fyrir hryllingnum sem þessu fylgir verður slík hvatning ekki annað en helbert siðleysi.

Sem herlaus þjóð hefur Ísland enga siðferðilega stöðu til að hella olíu á ófriðarbál annarra þjóða.

 

Athugasemdir

[jósef Ásmundsson (IP-tala skráð) 25.2.2025 kl. 09:52]

Stríðsaðílar eru rússland og úkraína. Friðarviðræður verða að fara fram milli þessara landa. Bandaríkin eiga enga aðild og eiga að halda sig fjarri. Úkraína getur ekki sætt sig við friðarviðræður fyrr en rússar hafa dregið herlið út úr úkraínu. Hélt að allir skildu þessa einföldu staðreynd.

[Ómar Geirsson, 25.2.2025 kl. 16:28]

Blessaður Arnar.

Það er merkilegur félagsskapurinn sem þú velur þér.

Eins og þú ert góður innanlands, þá veit ég ekki hvaðan áhrif þín erlendis koma

Ætla ekki að tjá mig um það, það sem er innanlands skiptir mig öllu máli, en styrkur þess sem rís upp og sameinar, sækir ekki rök sem flest fólk hafnar.

Björn Bjarna, hvað sem menn segja um skrif hans, rökfærslur eða annað, veit það eitt að það þarf þekkingu til að taka rökræðuna við Björn.  Rökræða sem er ekki afskrifuð með einhverju bla bla.

Vitna í orð hans; "Það er dæmigert fyrir þá nýju stöðu sem Trump hefur skapað á alþjóðavettvangi að við atkvæðagreiðslu á allsherjarþingi SÞ um ólögmæta og tilefnislausa innrás Rússa í nágrannaríki skuli fulltrúi Bandaríkjanna skipa sér í sveit með Rússum, Kínverjum, N-Kóreumönnum og Írönum.".

Arnar, ég sé ekki vörn þjóðarinnar sem byggist á samstöðu með Rússum, Kínverjum eða Norður Kóreumönnum.

Ég sé þína vörn, en meintur félagsskapur styrkir hana ekki beint.

Kveðja að austan.

[Jónatan Karlsson, 25.2.2025 kl. 16:36]

Stríðsaðilar virðast nú vera Evrópu helmingur NATO og Rússland.

Það sem hleypir öllu í uppnám er auðvitað ný forysta og markmið hægri manna í Bandaríkjunum og óumdeilds leiðtoga þeirra, svo ekki sé nú minnst á stöðugan framgang hægri afla á meginlandi Evrópu.

Það lítur því út fyrir að rauðhausinn í Hvíta húsinu ætli að láta Evrópusambandið og jafnvel Breta sitja og soðna, eða öllu heldur frjósa í súpunni sem þeir tilreiddu þó saman í valdaráninu í Kænugarði 2014.

Úkraína samdi reyndar við Rússa bæði í Minsk 2015 og aftur eftir sjálfa innrásina í Istanbúl 2024 en virti þá samninga báða að vettugi, þannig að nú verða Selenskí og félagar hans í ESB að sitja skömmustulegir hjá og súpa seyðið af þeim svikum.

[Þorsteinn H. Gunnarsson, 25.2.2025 kl. 16:51]

Kristrún sagði að þesir fjármunir ætti að nota til að gera jarðsprengjur óvirkar. Þá geta Úkraneníumenn farið að plægja akra sína án þessa að springja í loft upp. Kornið er þeirra aðal útflutnings vara. Matarkista heimsins. Þetta er svona hliðstætt og þegar þeir fengu íslensku prjónasokkana. En þetta er auðvitað há upphæð og ekki á fjárlögum. Tæplega væri hægt að setja sprengjusérfræðinga íslenska til að inna þeta verk,af hendi, þeir hefðu auðvitða þurft laun og sér líftryggingu.

[Tómas Ibsen Halldórsson, 25.2.2025 kl. 17:17]

Í aðdraganda stríðs Rússa og Úkraínumanna var það Joe Biden sem sagði, nánast í sífellu, að Rússar myndu ráðast á Úkraínu. Mér þótti mjög einkennilegt hvað Joe Biden vissi mikið um hvað stæði til, maðurinn sem vissi varla hvað hann ætti að gera. En viti menn Rússar réðust á Úkraínu alveg eins og Biden hafði boðað. Hvernig vissi Biden þetta? hvaða tölur hafði hann um hvað stæði til??? maðurinn sem um 2014 lét reka saksóknara Úkraínu fyrir að vilja skoða glæpi fyrirtækis sem sonur Bidens var í stjórn, maðurinn sem vissi ekkert um hvað mál fyrirtækisins snérist um. Hvað var það sem kom kom Rússum til að herja á Úkraínu??? Hvað með ólguna sem átti sér stað innanlands þar sem Rússar voru ofsóttir af Úkrönum??? og öll heiftin sem þar átti sér stað????? Voru Rússar nauðbeygðir til atlögu????? Voru það Bandaríkin og NATO sem áttu þarna hlut að máli?????

Spurningarnar eru margar en svörin fá. Það er til góðs að nýr forseti Bandaríkjanna hefur dug til að taka málið til sín og koma friði á, NATO og ESB hefur enga líkingu til þess. Komist friður á þá er það til góðs, fyrir Rússa og Úkraínumenn, en kannski ekki fyrir ESB og NATO.

[Glúmm (IP-tala skráð) 25.2.2025 kl. 17:24]

Miðað við hvað Putin og Trump ætla sér að fá út úr þessu er orðið friðarviðræður rangnefni. Svo virðist sem Trump sé aðallega að ganga erinda Putins og ætli sér að þiggja brauðmola fyrir að gefa allt eftir sem hann heimtar. Trump fer til þessara "friðarviðræðna" eins og barinn rakki með skottið á milli lappanna, tilbúinn til að fórna NATO og allri Evrópu til að fá klapp frá Putin.

[Helga Kristjánsdóttir, 25.2.2025 kl. 17:41]

Jónatan! Það tók mig tíma að greina stríðsaðila eins og þú gerir í fyrstu málsgrein,það tók mig tíma;já tíma sem drattast áfram á meðan  almennir Alþingismenn fela hverja stríðsaðilla þeir styðja.Tölvan er pínu erfiðsvo ég þakka þér.

[Hördur Thormar (IP-tala skráð) 25.2.2025 kl. 17:47]

Hvers vegna hafnaði Winston Churchill "sanngjörnu friðartilboði" Hitlers eftir uppgjöf Frakka sumarið 1940?                          Winston Churchill - We shall never surrender           

[Þorsteinn Sch Thorsteinsson (IP-tala skráð) 25.2.2025 kl. 21:37]

Sæll Arnar,

Þetta stríð byrjaði reyndar á því að stjórnvöld í Úkraínu réðust á Luhansk og Doneskt árið 2014, og stríðið byrjaði ekki árið 2022. Þetta Úkraínu- stríð hefur því staðið yfir í 9 ár en ekki 3 ár, nú og agressor eða árásamaðurinn í þessu sambandi eru stjórnvöld í Úkraínu. 
Skv. Stjórnarskrá Rússland þá ber Rússneskum stjórnvöldum skilda til þess að verja sitt rússneskuættað fólk.
Á sínum tíma 1922 þá innlimaði Lenin karlinn bæði Luhansk og Doneskt inn í Úkraínu, nú og Úkraínumaðurinn hann Nikita Khrushchev innlimaði þann 19. febrúar 1954 Krímskagann inn í Úkraínu, svo og svona líka einnig gegn vilja rússnesku- ættaðs og/eða rússnesku talandi fólks þarna.
Hversu heimskulegt og vitlaust sem það nú er, þá er til fólk hér (á Íslandi) sem að trúir því, að Rússar hafi farið þarna sérstaklega inn í austurhluta Úkraínu til þess eins að drepa rússnesku- ættað og/eða rússnesku talandi fólk þarna í austurhlutanum, en ekki til þess að verja Rússnesku ættað fólk undan stjórnvöldum í Úkraínu. 
Stjórnvöld í Frakklandi og Hollandi vilja halda áfram að selja vopn til Úkraínu, nú og framkvæmdastjórn ESB vill ekki frið, heldur ESB -herlið , svo og áframhaldandi stríð í Úkraínu.
Hræsnin hjá ESB er algjör, því að þegar friðarviðræður voru í Sviss þann 15. og 16 júní 2024, þá voru Rússar algjörlega útilokaðir frá þeim viðræðum.
Nú og varðandi þessa peningagjafir frá Íslandi, þá veist þú það eins og ég, að við fáum örugglega aldrei að sjá þetta svokallaða sjúkrahús á fjórum hjólum.    
KV. Þorsteinn.
 
    

[Arnar Þór Jónsson, 25.2.2025 kl. 22:17]

Sæll Ómar. 

Ertu viss um réttmæti þess að tala um ólögmæti og tilefnisleysi? Þetta er of alvarlegt mál til að viðhafa sleggjudóma. Ef menn vilja skoða málið í víðara samhengi, þá er þetta kannski góð byrjun: https://www.youtube.com/watch?v=xWowuHMvpzU

[Arnar Þór Jónsson, 25.2.2025 kl. 22:19]

Þorsteinn, við vitum ekki (frekar en Kristrún) í hvað þessir íslensku milljarðar fara. Þetta er peningalegt svarthol þar sem spilling grasserar og hefur gert allt of lengi. Úkraínskir sprengjusérfræðingar eru ekki minna virði í mannslífum talið, en íslenskir.

[Ingólfur Sigurðsson, 26.2.2025 kl. 00:50]

Sjaldan hefur það komið eins skýrt fram og í þessu stríði að stríðið geysar á milli andavera vonzkunnar í himingeimnum og við erum fórnarlömbin. Í Biblíunni kemur það skýrt fram að þegar menn hafa fallið fram fyrir Satan þá kostar það fórnir.

Pútín berst gegn guðlausum Vesturlöndum þar sem fólksfækkun ríkir, sjálf ástin er lögzt í dvala og kærleikurinn minnkar. Þetta erum við að verja hér á Vesturlöndum, eða fyrir femínsta og aðra.

Glúmm er hér á algjörum villigötum, einhver nýr Vagn. 

Hvers vegna ætti Trump að sækjast eftir klappi á bakið frá Pútín? Hér er miklu meira í húfi, að koma aftur á guðsríki á jörð og hafna Satan.

Þakka þér Arnar Þór, svona blogg vekja athygli og þörf á þeim.

Ingibjörg Sólrún var ein af rauðsokkunum, ef ég man rétt, á móti NATÓ, herstöðvaandstæðingur.

Nú er talað við hana í RÚV og hún er í fremstu röð þeirra sem vilja halda stríðinu áfram við Rússa. Hversvegna?

Hún er að verja vonlausan málstað femínista.

Um það snýst þetta stríð. Það snýst um pólitík á Vesturlöndum. Það snýst um að afneita sannleikanum, að femínismi og aðrar vinstriöfgastefnur hafa verið skaðlegar að öllu leyti, og þar kemur dómurinn.

Rétt eins og nazistar fengu sinn dóm eftir seinni heimsstyrjöldina. Femínistar vilja forðast þann dóm. Það er þó ekki hægt, því guðlegt réttlæti er óháð mannlegu (ó)réttlæti.

Og fyrr eða síðar vaknar fólk sem hefur deyft og slæft dómgreind sína og samvizku.

Merkilegt hvaða fólk vill ekki frið.

[Ómar Geirsson, 26.2.2025 kl. 07:50]

Já Arnar, innrás í annað ríki er alltaf ólögmæt og þar með tilhæfulaus.  Gráa svæðið er vissulega til í þessu eins og öðru, þess vegna horfðu ríki heims í hina áttina þegar Tansanía réðist inn í Úganda til að losa þarlenda við Idi Amin eða þegar Víetnamar réðust inní Kambódíu til að setja af stjórn Rauðu Khmeranna, reyndar með Kína sem undantekningu, en í báðum tilvikum var ekki átt við landamæri.

Hvað sem það er Arnar, þá er það ekki friðartal að réttlæta einhliða breytingar á landamærum.

Kveðja að austan.

[Arnar Þór Jónsson, 26.2.2025 kl. 09:27]

Ómar, við gætum báðir þurft að fletta þessu upp, en ég man ekki betur en að íbúar í austurhéröðum Úkraínu hefðu í kosningum valið að sameinast Rússlandi fremur en Úkraínu. Þetta sama fólk hafði orðið fyrir sprengjuárásum frá stjórninni í Kænugarði frá árinu 2014, eins og CNN o.fl. sýndu frá. Í því ljósi er kannski erfitt að ræða um einhliða breytingar á landamærum. Þjóðir (og þjóðabrot) hafa sundrast og sameinast í sögunni og línur verið dregnar hér og þar til að stuðla að friði. Garður er granna sættir. 

[Þorsteinn Sch Thorsteinsson (IP-tala skráð) 26.2.2025 kl. 10:52]

Arnar , Já, já:„.Þjóðir (og þjóðabrot) hafa sundrast og sameinast í sögunni og línur verið dregnar hér og þar...“

Stjórnavöld í BNA hafa verið mjög dugleg með að nota svona góðar lyga átylur (e.false pretext) til að hefja stríð, eins og td. fyrir stríðið í Írak, nú og eins og fyrir stríðið í Víetnam.
Vestræn ríki eða BNA hafa komið afstað stjórnarbyltingum (coup d'état) í öðrum löndum, eins og td. fyrir stríðið í Líbýu, Sýrlandi og fleiri ríkjum. Það er reyndar til fjöldin allur af bókum um það allt saman, og varðandi þessa stjórnabyltingu í Úkraínu 2014, eða þar sem að BNA. kom inn nýrri ríkisstjórn í Úkraínu til þess eins að koma inn sínum áhrifum og viðskiptum.    
Ég veit ekki betur en að BlackRock hafi á sínum tíma keypt mikið af gróðurlendi þarna í Úkraínu, og á meðan stríðið í Úkraínu dregst á langinn er ríkisstjórnin að selja ríkiseignir í mikilli einkavæðingargleði. Bandarísk fyrirtæki eins og ExxonMobil, Chevron og Halliburton taka þátt í viðræðum um að taka yfir olíu- og gasiðnað, þar sem að Kænugarður þrýstir á að auka framleiðslu. 
Hann Selensky karlinn sendi vinaleg myndskilaboð til bandarískra fyrirtækja þar sem hann þakkaði fyrirtækjum eins og BlackRock, JP Morgan, Goldman Sachs og Starlink og lofaði „stórviðskiptum“ fyrir aðra.
Á sínum tíma þá opnaði Selensky kauphöllina í New York og tilkynnti að land hans væri „opið fyrir viðskipti“ og bauð meira en 400 milljarða dollara í „samstarf almennings og einkaaðila, einkavæðingu og einkarekstur“ fyrir bandarísk fyrirtæki.
Nú og skv. honum Páli V. (hér á blog.is) þá vildi Selenski karlinn selja hluta af Úkraínu í ágúst í fyrra. En í gegnum söguna þá er og hefur Úkraína verið eins og bútasaumur frá árinu 1654.


  

[Arnar Þór Jónsson, 26.2.2025 kl. 11:01]

Sæll Þorsteinn. Ég þakka þér og öðrum hér fyrir málefnalegt framlag til mikilvægrar umræðu, því hún varpar ljósi á margt sem við vissum ekki endilega áður - og fáum ekki að heyra í stóru fjölmiðlunum.

[Ómar Geirsson, 26.2.2025 kl. 16:22]

Já já Arnar.

Það er ákaflega auðvelt að breyta landamærum ríkja með því að láta þjóðernisminnihluta kjósa um sameiningu við önnur ríki, eða þá kjósa um sjálfstæði.  Þjóðréttarreglan er samt sú að þeir minnihlutar sem það gera eru sekir um uppreisn gegn ríkisvaldinu, og fram til þessa löglegt skotmark viðkomandi ríkisvalds.  Nærtækt dæmi er krafa Tétsena um sjálfstæði sem ríkisvaldið í Moskvu kæfði í blóði.

Sama ríkisvald og þú núna telur hafa réttlætið sín meginn með því að ráðast inní annað sjálfstætt ríki.

Sú réttlæting vekur allavega upp tvennar spurningar; sú fyrri er að ef það væri markmið Moskvustjórnar að koma afkomendum þeirra Rússa sem Stalín flutti til Donbass, til hjálpar, þá hefði innrás hans miðast við þau héruð, ef þú skoðar kort af landvinningum Rússa þá hefur Svartahafsströnd Úkraínu ekkert með þau héruð að gera.  Hvað þá árásin á Kiev eða Karkov.

Sú seinni er; hvar endar þessi réttlæting þín Arnar.  Sovét Stalíns flutti Rússa víða, til Eystrasaltslanda, til Úkraínu og Hvíta Rússlands, til Mið Asíu, fá fyrrverandi Sovétlýðveldi eru undanskilin þeim þjóðflutningum.

Ert þú þá til dæmis tilbúinn að segja Arnar, næst þegar þú hittir fólk frá Eistlandi, Lettlandi eða Litháen, að það eigi að sætta sig við næstu innrás Rússa, þeir séu jú bara að aðstoða sitt fólk innan landamæra þess.

Hefði þetta til dæmis verið stefna þín ef þú hefðir verið kosinn forseti Arnar??

Friðartal sem réttlætir ofbeldi yfirgangsmanna er aldrei friðartal.

Hvað þá í anda kristinnar trúar enda voru bæði nasistar og kommúnistar hundheiðnir.

Þeim hefði þótt þetta allt í góðu, enda vörðu þeir svona háttsemi fram í rauðan dauðann, og í dag eru leifarnar af þeim helstu stuðningsmenn Pútíns, erlendis.

Þetta er ekki góður félagsskapur Arnar.

Kveðja að austan.

[Ómar Geirsson, 26.2.2025 kl. 16:51]

Og til að fylla uppí þessa mynd Arnar þá ætla ég að vitna í leiðara Davíðs frá því í gær.  Davíð er einn af þeim stóru, það er honum að þakka að þjóðin hefði viðspyrnu eftir bankahrunið 2008, það er honum að þakka að Sjálfstæðisflokkurinn samþykkti ekki aðildarumsókn að Evrópusambandinu á á sínum tíma.  Orð Davíð segja allt sem segja þarf, og um félagsskapinn sem þú ert í Arnar.

"Rússneski herinn hefur skilið eftir sig slóð blóðsúthellinga og eyðileggingar. Aðkoman að þorpum og bæjum sem Rússar lögðu undir sig og misstu aftur var hryllileg. Rússnesku hermennirnir höfðu pyntað og nauðgað og tekið fólk af lífi að tilefnislausu. Fjölmörg dæmi eru um að stríðsfangar hafi einfaldlega verið teknir af lífi. Frá héruðunum, sem Rússar hafa lagt undir sig, berast hrollvekjandi fréttir af pyntingum. Þar eru þeir teknir fyrir, sem ekki eru hlynntir hernámi Rússa.

Þetta framferði mun reyndar hafa staðið yfir allt frá því að rússneski herinn gerði innrás í Donbas 2014 í þeim tilgangi að styðja við rússneska aðskilnaðarsinna á sama tíma og Krímskagi var innlimaður í Rússland.

Þótt sennilega sé hvergi að finna skjalfestar fyrirskipanir eru stríðsnauðganir hluti af hernaði Rússa því að refsileysið er algert. Í bænum Bútsja skammt frá Kænugarði gengu Rússar fram af fullkomnu miskunnarleysi við almenna borgara. Þegar herdeildin, sem hafði verið í Bútsja, sneri aftur til Rússlands var hún sæmd heiðursmerkjum. Árið 2023 voru samþykkt lög í Rússlandi um að rússneskir hermenn í Úkraínu yrðu ekki sóttir til saka fyrir „litla og meðalstóra glæpi."

Það stækkar engan að ráðast á Davíð.

Kveðja að austan.

[Þorsteinn Sch Thorsteinsson (IP-tala skráð) 26.2.2025 kl. 19:06]

Sæll Ómar,

Hvernig er það heimsótti hann Davíð karlinn ekki fólkið þarna í austurhluta Úkraínu (eða Donbass)? Nú og skv. þessu sem kemur frá þér, þá er hann Davíð eini íslendingurinn sem hefur haft fyrir því að talað við fólkið í þessu stríði þarna í austurhluta Úkraínu, ekki satt?
En það er rétt þessar áróðursfréttir hjá MBL eru því miður allar hafðar eftir AP- fréttum og Reuters, þar sem að MBL er svona líka innilega límt, neglt og slefað við Rothschild veldið, svo og getur alls ekki óvart slysast til þess lesa aðra fjölmiðla, því að allt svoleiðis er EKKI nóg góð Rússafóbía fyrir MBL. Vestrænir fjölmiðlar þmt. MBL  (eða mainstream  media) hafa sérstaklega passað vel uppá að fjalla ekki um stríðið frá byrjun 2014 og/eða passað uppá að fjalla EKKI um hið þekkta Ónefnda stríðið í Úkraínu (Ukraines Unnamed War) þar sem að stjórnvöld í Úkraínu hófu stríðið gegn rússnesku ættuðu- og talandi fólki í austurhluta Úkraínu.
í fjölmiðlum hér er sérstaklega vel passað uppá að segja ekki frá þessari hlið á málinu, því að Rússafóbían verður að komast inn, ekki satt þú?
Það má greinilega EKKI segja frá því í fjölmiðlum hér hvað John Mearsheimer karlinn hefur verið að segja um stríðið í Úkraínu (John Mearsheimer: Trump BACKS Russia as NATO COLLAPSES Ukraine LEFT to fight alone Europe in CHAOS og  U.S. ADMITS Russia Was Provoked Into Invading Ukraine), hvað þá minnast á hvað hann Jeffrey Sachs hefur verið að segja um stríðið í Úkraínu (LIVE:  Ukraine War is Over, Jeffrey Sachs Makes Fiery Speech At EU Parliament, Challenges America!). Það er eins og þeir hjá MBL vilja svona halda okkur í algjöri heimsku og fávisku með þessum einhliða áróðri, svona rétt eins og aðrir erlendir fjölmiðlar og/eða erlendar bækur hafi ekkert að segja um stríðið

[Þorsteinn Sch. Thorsteinsson (IP-tala skráð) 26.2.2025 kl. 19:57]

Ómar:

"... mun reyndar hafa staðið yfir allt frá því að rússneski herinn gerði innrás í Donbas 2014 í þeim tilgangi að styðja við rússneska aðskilnaðarsinna á sama tíma og Krímskagi var innlimaður í Rússland."


Þetta er nú bara algjör skáldskapur og bull frá þér, þar sem að allir fjölmiðlar í allri þessari rússafóbiu eru á því að Rússar hafa farið inn í Úkraínu þann 24. feb. árið 2022, eða fyrir 3 árum síðan, þú?

Þrjú ár síðan herir Rússlands ruddust inn í Úkraínu

Þrjú ár frá innrás Rússa

Kristrún í Kænugarði: „Mjög tilfinningaþrungið ástand hérna“      „ það var aðfararnótt 24. febrúar árið 2022 sem Rússlandsher réðist inn í Úkraínu og hefur stríð geysað í landinu síðan.

 

[Ómar Geirsson, 27.2.2025 kl. 07:36]

Þorsteinn minn.

Hættu að smækka þig með að ráðast á Davíð.

Þú mátt ekki við því.

Kveðja að austan.

[Þorsteinn Sch Thorsteinsson (IP-tala skráð) 27.2.2025 kl. 10:40]

Ómar,
Þú  karlinn svarar ekki, en ég er ekki að smækka mig.  Þú Ómar átt það til að vera eins og einhliða áróðursblaðið hans Davíðs, sem er svona líka ritstýrt og/eða í þessu samstarfi við Reuters og AP- fréttastofuna (og sér ekkert annað), en með svona einhliða erlendum áróðri þá fer MBL ekki stækkandi.  
KV.           

[Ómar Geirsson, 27.2.2025 kl. 15:38]

Æ Steini minn, ég nenni ekki að svara þessu, ekki frekar en að gera athugasemd við innlegg þitt sem því miður Arnar kaus að hrósa sem málefnalegu innleggi, bull er það aldrei.

En Arnar ræður vissulega sínum félagsskap, og ef hann kýs að smækka sig með honum, þá smækkar hann um leið sannarlegan réttan málflutning varðandi varðstöðuna um sjálfstæði þjóðar okkar.

Þess vegna lét ég mig málið varða, en skil náttúrulega þegar skellur í tönn.

En ég skal vera jákvæður Steini minn, auðvita ert þú risi miðað við Davíð, eða þannig.

Vertu núna glaður.

Kveðja að austan.