Gleðilegt (og frjálst) sumar

Á Íslandi gilda vissar óskrifaðar reglur sem allir þurfa að fylgja: Þú átt að ganga út frá því að stjórnvöld vinni í þína þágu en ekki eigin þágu + Ísland sé óspillt ríki + að fréttir endurspegli raunveruleikann og það sem er mikilvægast + að við eigum að trúa vísindamönnum og fólki í hvítum sloppum því þar fer prestastétt nýs átrúnaðar + að þú sért, fyrst og síðast, hluti af hóp / fylkingu og eigir að hugsa / tala / hegða þér í samræmi við það, m.a. með því að taka þatt í að "þétta raðirnar".

Þetta samþykkir meirihluti Íslendinga, því ef þú efast um eitthvað af þessu geturðu átt á hættu að vera kallaður ýmsum illum nöfnum og það viljum við auðvitað ekki. Þá er betra að vera ,,hugrænn svefngöngumaður" og forðast að beita sjálfstæðri rökhugsun, því á Íslandi er visst öryggi fólgið í því að tilheyra hópi og tileinka sér skoðanir þess hóps / flokks í blindni.

Vandinn er sá að við slíkan mann er ekki unnt að rökræða, því hann hafnar upplýsingum og telur sig ekki þurfa á neinni fræðslu að halda. Hann hefur í raun enga sjáfstæða og persónulega skoðun. Er slíkur maður frjáls eða er hann fangi?

Um leið og ég óska lesendum gleðilegs sumars óska ég þess að sem flestir njóti sumarsins á sjálfstæðum forsendum, sem frjálsir menn.

 

Athugasemdir

[Geir Ágústsson, 24.4.2025 kl. 21:30]

Það rann upp fyrir mér að á Íslandi þurfi að stofna Fasistaflokk Íslands.

Hann er á móti geldingum barna, ofurskattheimtu á hagkvæmt eldsneyti, hlynntur virkjunum og innviðaframkvæmdum, andvígur ritskoðun yfirvalda, vill að kvenfólk fái að hafa sína kvennaklefa og kvennaíþróttir í friði og boði frjálsa verslun og friðsamleg samskipti við umheiminn. Svo eitthvað sé nefnt.

Því allt þetta kallast í dag fasismi, og fólk sem styður slíkan fasisma á auðvitað að fá að kjósa sinn fasistaflokk.

[Arnar Þór Jónsson, 25.4.2025 kl. 10:02]

Sæll Geir, slík nafngift væri í samræmi við handbók frá 1943, sem hér er vitnað til, þar sem kommúnistum var upplálagt að saka andstæðinga sína um fasisma: https://x.com/ImMeme0/status/1905641562341515272

[Arnar Þór Jónsson, 25.4.2025 kl. 10:02]

... uppálagt...