Nei, hættið nú alveg

Höfum eitt á hreinu: EES samningurinn er viðskiptasamningur, ekki samningur um pólitískt bandalag við ESB.

Þorgerður Katrín og aðrir ráðherrar í ríkisstjórninni, alþingismenn og embættismenn íslenska lýðveldisins virðast þurfa að rifja þetta upp. Slík nauðsynleg upprifjun af þeirra hálfu myndi hlífa okkur hinum við því að þurfa að upplifa, sjá og skynja, óheilindin, baktjaldamakkið og leyndarhyggjuna sem virðist grassera bakvið tjöldin, sbr. m.a. þessa frétt. 

Um þetta og margt fleira ræddi ég í þessu útvarpsviðtali hér í gær, sem ég lauk með upplestri úr ljóði Davíðs Stefánssonar um friðarhugsjónina sem lýðveldið okkar var reist á. Lokaerindið er svohljóðandi: 

Svo viti það öll voldug þjóðabákn,

að vopnleysið er Íslands friðartákn,

þess mesta gæfa, guði vígður eiður,

gjöfin sem börnin erfa, landsins heiður,

bæn, sem flutt er til bjargar öllum lýðum,

bann sem er lagt gegn hnefarétti og stríðum,

örlaga spá, sem allar þjóðir varðar, 

hin æðsta hugsjón vorrar þjáðu jarðar.

 

Þótt Íslendingar hafi í trúgirni sinni fallið fyrir skrúðmælgi ríkisstjórnarflokkanna um plan og úrbætur, þá hafa orð þeirra reynst innantóm og loforðin strax svikin. Ríkisstjórnin hefur ekkert umboð til að leiða okkur inn í annars konar - ólýðræðislegt - stjórnarfar, né skuldbinda okkur til að fylgja ESB inn á helveg alþjóðlegs vopnaskaks og hervæðingar. 

 

 

Skuldbundin að fylgja stefnu ESB

Athugasemdir

[Baldvin Nielsen (IP-tala skráð) 29.7.2025 kl. 10:29]

Sammálaþér Arnar Þór þegar þú segir  ,,Höfum eitt á hreinu: EES samningurinn er viðskiptasamningur, ekki samningur um pólitískt bandalag við ESB.''Arnar Þór og takk fyrir að nenna þessari baráttu þeir kannski ná þér ekki eins og mér áð hafa voga mér að hafa þekkið þátt í taktu eftir lýðræðislegum gjörningi.

Ég þekkti svona menn í den sem vildu vel fyrir þjóðina til framtíðar ekki bara frá mér til mín pólitík .   

Heimastjórnasamtökin voru stofnuð 10.mars 1991 rétt fyrir kosningarnar af Stefáni Valgeirssyni, Jóni Oddsyni hrl, Tómasi Gunnarssyni hrl   og mörgun öðru góðu fólki. Þessir þrír vinir mínir sem ég vitnaði hér í fyrir ofan  eru fallnir frá.     

Málefnin voru mörg mjög góð eins og við vorum á móti væntnalegum EES samningi og Jón Oddsson talaði um EES samninginn eins og þú núna Arnar en tilgangurinn væri bak við tjöldin að ESB ætlaði sér að taka yfir pólitíkina hægt og bítandi

Ég reyndi að koma því að að bátar að 30 tonnum yrðu í sóknardagakerfi til að missa ekki tökin á byggðum landsins og getu þjóðarinar til að brauðfæða sig ef vá bankaði upp á  sem dæmi. Það dugði ekki til fengum innan við eitt prósent atkvæða og margir kjósendur hlóu og gerðu grín að okkur vegna árangursins í íslenskri pólitík. 

Fjölmiðlar gerðu allt í sínu valdi að tryggja að nýju framboðin fengu ekki athygli hjá þjóðinni og annað þjóðin vil ekki stjórnmálamenn sem sjá fram langt í tímann hugsar bara um sig í núinu ekki börnin eða barnabörnin  

Við í Heimastjórnasamtökunum kærðu RUV og fengu í framhaldinu að koma fram í útvarpi og Kastljósi. Stöð 2 var einkarekin fjölmiðil svo það var ekki hægt að taka á þeim með sama hætti og gert var við RUV sem er í eigu Íslensku þjóðarinar þá a.m.k. 

Gangi þér allt í haginn  vona að þú fáir öfluga með þér til að brjóta ísinn Ísland á það skilið

Baldvin Nielsen

[Wilhelm Emilsson, 29.7.2025 kl. 18:37]

Takk fyrir pistilinn, Arnar Þór. Veistu hvort að Davíð Stefánsson var á móti veru Íslands í NATÓ?

[Arnar Þór Jónsson, 29.7.2025 kl. 19:15]

Sælir báðir, Baldvin og Vilhelm. 

Baldvin, ég er þakklátur þér fyrir upprifjunina. Hún er innihaldsrík og góð. 

Wilhelm, þetta er góð spurning, sem ég treysti mér þó (enn) ekki til að svara. Ég er að kynnast Davíð betur og betur og ber sífellt meiri virðingu fyrir manninum og list hans. Hann elskaði Ísland og orti um frelsi manna og þjóða, frið og ást. Kvæði hann "Vér skipuleggjum" ber vott um að hann hafi haft ímigust á yfirþjóðlegu valdi. Þar með er þó ekki endilega hægt að segja að hann hafi verið á móti Nató meðan það hélt sig við að vera varnarbandalag.

Góð kveðja, Arnar.

[Ingólfur Sigurðsson, 29.7.2025 kl. 20:51]

Já þetta er áhugavert.

Ég vil benda á annað ljóð eftir Davíð Stefánsson þar sem hann lýsir pólitískum skoðunum, sem hann annars gerði sjaldan. Það er "Furstinn", úr einhverri ljóðabók seint á ferlinum. Sverrir Stormsker gerði við ljóðið gott lag á sínum tíma. En í þessu ljóði lýsir hann frelsi einstaklingsins, að 20. öldin hafi stefnt að einræðisöflum og þvingunum á einstaklingsfrelsinu. Síðan heldur þetta áfram núna á fyrstu öld nýs aldatugar.

Davíð Stefánsson var talinn skáld hægrimanna og sagt að það hafi bitnað á honum á seinni hluta ævinnar þegar vinstrielítan fór að þegja um hann talsvert. Þó var hann auðvitað alltaf virtur og óumdeildur sem þjóðskáld.

"Almenna bókafélagið og Davíð" er kafli í viðtalsbók við Gunnar Dal rithöfund. Þar eru upplýsingar um þetta líka. 

Einhverjar ræður eru til eftir Davíð á bók. En ég held að hann hafi verið sú manngerð sem hafði ekki hátt um allar skoðanir sínar, og lét sér að mestu nægja að tjá sig í ljóðum og leikritum og þá kannski undir rós meira eða með skáldamáli.

[Wilhelm Emilsson, 29.7.2025 kl. 21:39]

Kærar þakkir fyrir svarið, Arnar Þór. Man enn eftir því þegar ég var lítill strákur á Bárugötunni og heyrði lag Nútímabarna við ljóð Davíðs Stefánssonar "Konan sem kyndir ofninn minn".

[EINAR S HÁLFDÁNARSON (IP-tala skráð) 29.7.2025 kl. 23:12]

Davíð Stefánsson og allt hans fólk (Valdimar o.fl.) var góður og gegn sjálfstæðismaður. Mér vitanlega studdi var hann eindreginn andstæðingur kommúnista og nasista; hann hefði foragtað litla Stalín og alla sem bera í bætifláka fyrir hann. Við erum sammála honum.