Glatað lýðræði?

Til hvers erum við að kjósa forseta? Til hvers kjósum við þingmenn? Er það ekki til að vera ráðsmenn, umsjónarmenn eigna okkar, vörslumenn hagsmuna okkar? Þessir fulltrúar eiga að vera hollir og dyggir þjónar sem starfa fyrir fólkið í landinu - ekki fyrir sig sjálfa og ekki fyrir flokkinn sinn heldur fyrir þjóðina.

Það er ekki réttur kjörinna fulltrúa, heldur skylda þeirra, að gera allt sem hagsmunir og þarfir þjóðarinnar kalla á sé það innan ramma laga og stjórnarskrár. 

Blákaldur pólitískur veruleiki Íslendinga er sá að engu skiptir hvaða flokka fólk kýs því við stöndum alltaf frammi fyrir sömu niðurstöðu þar sem ríkisvaldið þenst út á kostnað einstaklinganna og borgaralegs frelsis. 

Framboð mitt til embættis forseta Íslands er hugsað sem mótvægi; mótframboð gegn aðgerðaleysi - og andvaraleysi - kjörinna fulltrúa. Eins og mál hafa þróast hérlendis á síðustu árum þolir erindi mitt enga bið vegna þess að ef engin breyting verður á mun lýðræði okkar halda áfram að veikjast og jafnvel glatast.

Það er afar mikilvægt að þjóðin velji sér forseta sem mun standa vörð um lýðræðið, frelsi okkar og sjálfstæði.  

[Greinin birtist fyrst á www.visir.is 11. apríl 2024]

 

 

 

Athugasemdir

[Dominus Sanctus., 11.4.2024 kl. 08:55]

Ég tel að FORSETAÞINGRÆÐI sé framtíðarlausnin hér á landi: 

https://contact.blog.is/blog/vonin/category/2908/

----------------------------------------------------------------------------

Venjulega er það þannig í kvikmyndunum sem að koma frá Hollywood, að illu geimverurnar eru í geimnum og ætla að ráðast á jarðarbúana en hvað ef að dæmið snýst nú við?

https://contact.blog.is/blog/contact/entry/2293761/

----------------------------------------------------------------------------

Hérna getum við séð skipuritið hjá New world Order

fyrir þá sem að vita ekkert um slík mál: 

https://contact.blog.is/blog/geimveru_handbokin/entry/2294069/ 

[Guðmundur Örn Ragnarsson, 11.4.2024 kl. 14:12]

Á Íslandi búum við ennþá við lýðræði. Þess vegna veljum við okkur leiðtoga, þingmenn og Forseta.

Þessir eru nokkurs konar hirðar, sem gæta sauða sinna og hafa það hlutverk að leiða þá/okkur sauðina á grænar grundir, þangað sem við finnum beit.

Hafa hirðar okkar gert það? Nei, þeir hafa þvert á móti leitt okkur afvega.

Orð Drottins kom til mín, svohljóðandi: Mannsson, spá þú um Ísraels (Íslands) hirða, spá þú og seg við þá:

Svo segir Drottinn Guð: Vei hirðum Ísraels (Íslands), er héldu sjálfum sér til haga. Eiga ekki hirðarnir að halda sauðunum til haga? Mjólkurinnar neyttuð þér, klædduð yður af ullinni, slátruðuð alifénu, en sauðunum hafið þér eigi haldið til haga. Þér komuð ekki þrótti í veiku skepnurnar og læknuðuð ekki hið sjúka, bunduð ekki um hið limlesta, sóttuð ekki það, er hrakist hafði, og leituðuð ekki hins týnda, heldur drottnuðuð þér yfir þeim með hörku og grimmd. (Ez. 34:1-4).

Nú eigum við kost á að velja okkur góðan hirði, hann heitir Arnar Þór Jónsson. Hann er að mínu áliti eins og sendur af Guði til að leiða hjörðina rétta leið. En spurningin er: Þekkjum við okkar vitjunartíma?

Ég mun sjálfur halda sauðum mínum til haga og sjálfur bæla þá, segir Drottinn Guð. Ég mun leita að hinu týnda og sækja hið hrakta, binda um hið limlesta og koma þrótti í hið veika, en varðveita hið feita og sterka. Ég mun halda þeim til haga, eins og vera ber. (Ez. 34:15-16).

Fyrirmynd Arnars Þórs trú ég að sé Frelsarinn sjálfur, sem segir:

Ég er góði hirðirinn og þekki mína, og mínir þekkja mig, eins og faðirinn þekkir mig og ég þekki föðurinn. Ég legg líf mitt í sölurnar fyrir sauðina. (Jóh. 10:14-15).

[Loncexter, 11.4.2024 kl. 20:05]

Ég hef unnið mikið fyrir forsetaframbjóðenda, og talað við marga kjósendur. Því miður eru alltof margir íslendingar uppteknir af einhverjum glansfígurum sem eru sí og æ í Rúv eða álíka fjölmiðlum.

Fólk hefur því miður ekki miklar mætur á friði þótt akkúrat sé tíminn til þess.

[Helga Kristjánsdóttir, 11.4.2024 kl. 23:25]

Eg er að lesa það sem þú skrifar Guðmundur Örn,um leið hugleiði ég hve manneskjan er alltaf söm við sig,þótt þúsundir ára skilji á milli. Á þar við afneitun Péturs á frelsaranum og hina sem vilja hann minkist sín fyrir að trúa á hann.Það verður seinna hverjum manni sársauki og þannig verður það núna ef við veljum ekki rétt; Svo mikið sem yndislega landið var okkur M/öllu!!!