Lætur þú aðra hugsa fyrir þig?

Leiðarahöfundur Moggans segir í dag að hinn vestræni heimur sé ,,í vandræðum út af hópi sem hefur tekið hann í bóndabeygju" og fjallar svo um það hvernig örlítill minnihluti (0,2%) geti náð ,,slíkum tökum á opinberri umræðu að það sé hættulegt að halda fram augljósum staðreyndum, að kynin eru tvö, og það sé líffræði en ekki hugarfar sem ræður hver ert hvort kyn". 

Rót vandans er að mínu mati hugmyndafræðileg fremur en fólkið sjálft og þeirra vanlíðan. Fámennur en hávær þrýstihópur hefur kosið að láta stjórnast af hugmyndum annarra og stærstur hluti almennings þorir ekki að taka neina afstöðu. Doði hefur lagst yfir hinn lýðræðislega vettvang þar sem varla nokkur nennir að standa með sinni sannfæringu og sínum gildum. Afleiðingin er sú að tilbúin hugmyndafræði yfirtekur heilbrigða skynsemi.

Pólitísk rétthugsun nútímans er skreytt með fallegum orðum og fyrirheitum, sem sögð eru miða að því bæta samfélagið, stuðla að siðbót, sópa burtu hatri, misrétti og fordómum. Undir merkjum góðsemi er svo lagt bann við umræðu um tiltekin málefni. Sagan sýnir að í slíku andrúmslofti vaknar iðulega til lífs ný tegund haturs, misréttis og fordóma í stað hinna fyrri. Í þessu andrúmslofti er þjóðfélaginu skipt upp í fylkingar, þar sem einn hópur hefur mótaðar siðferðilegar hugmyndir um hvað öðrum leyfist að segja, hugsa eða gera. Sérstakt áhugamál harðlínumanna er að finna einhvern sem virðist vera að brjóta gegn viðmiðum rétthugsunarinnar. Svo er hrært í pottum hneykslunar og fordæmingar. Dómar eru kveðnir upp með slagorðum og herópum. Til hliðar við þetta standa allir hinir, þar á meðal ég og leiðarahöfundur Moggans, og furða sig á því hvernig hægt sé að vera svona viðkvæmur, svona þröngsýnn, svona laus við húmor, svona leiðinlegur. En þetta er ekki nýtt. Púritanar höguðu sér svona á fyrri hluta 17. aldar. Fyrirgefningin virtist hafa verið máð út úr ritningu þeirra, en þau voru sannfærð um siðferðilega yfirburði sína. Þeir sem í dag afsala sér sjálfstæðri hugsun í hendur höfunda hinnar pólitísku rétthugsunar eru vandlætarar (selótar) okkar tíma.

Sláandi líkindi eru með pólitískri rétthugsun nútímans og þeirri „rétthugsun“ sem framfylgt var Sovétríkjunum. Af þeirri sögu má álykta að þegar ríkjandi hugsmyndafræði rétthugsunarinnar á sér ekki stoð í raunveruleikanum verður ástandið sérstaklega slæmt og málsvararnir forhertir. Þessi forherðing er komin nú komin á lokastig, sem birtist í fullkomnu óþoli gagnvart þeim sem voga sér að gagnrýna eða eru jafnvel bara grunaðir um að ganga ekki í takt. Góðu fréttirnar eru þær að þegar forherðingin og firringin hafa náð þessu stigi, þá er hrunið óhjákvæmilegt. Lygin hrynur undan eigin þunga. Menn munu aftur sjá að 2+2 eru 4. 

 

Athugasemdir

[Jónas Gunnlaugsson, 26.1.2023 kl. 15:03]

Þetta er engin vandi að laga þetta.

Þú lætur alla hafa örugga vinnu og öruggt húsnæði.

Þá þora menn að segja satt.

Engin vandi.

Það er nóg til. 

Þetta er allt satt. 

Erum við allir bröndóttir.

Já, það er líka satt. 

Snúa sér strax að vandamálinu. 

Mikið verður gaman þegar allir hafa örugga vinnu og öruggt heimili. 

Er eftir einhverju að bíða. 

Egilsstaðir, 26.01.2023   Jónas Gunnlaugsson

[Arnar Þór Jónsson (IP-tala skráð) 27.1.2023 kl. 15:05]

Sæll Jónas, ég mæli með að þú dustir rykið af mannkynssögubókunum. Þau ríki sem lengst hafa gengið í þá átt að taka ábyrgðina af herðum fólks hafa einnig gengið lengst í frelsisskerðingum. Ég vil hryggja þig með því að engar töfralausnir eru til. Góðar stundir.

[Jónas Gunnlaugsson, 28.1.2023 kl. 00:07]

Þakka þér fyrir kennsluna og er ég þér sammála. En mikið hefur áunnist þó að kenningin sem er kennd við Thomas Robert Malthus, (born February 13/14, 1766, Rookery, near Dorking, Surrey, England—died December 29, 1834 sé við líði enn í dag. Auðvitað þarf að hugsa og huga að mannfjöldanum. Þá er gott að hugsa, öll þekking fortíðar er mikil en hver maður hefur ör lýtin þríhyrning af þeirri þekkingu. Ef við getum opnað fyrir innsæið sem Einstein og Nikola Tesla notuðu komu nýjar lausnir. Gott er að lesa um tveggja raufa tilraunina, þar opnast nýr heimur. 

Egilsstaðir, 27.01.2023   Jónas Gunnlaugsson 

[Jónas Gunnlaugsson, 28.1.2023 kl. 00:16]

Töfralausnir, eldurinn, hjólið, stálplógurinn, til búin áburður, traktorinn, síminn, sjónvarpið, betra fræ og endalaust fleira. 

Egilsstaðir, 28.01.2023    Jónas Gunnlaugsson